Benchikha Karibu Kujiunga na Modern Future FC ya Misri

Abdelhak Benchikha Karibu Kujiunga na Modern Future FC ya Misri | Baada ya kuondoka JS Kabylie Januari 2025, kocha mwenye uzoefu wa Algeria, Abdelhak Benchikha atajiunga na timu ya Ligi Kuu ya Misri, Modern Future FC.

Benchikha Karibu Kujiunga na Modern Future FC ya Misri

Benchikha ambaye amezifundisha timu kadhaa nje ya Algeria zikiwemo klabu za Tanzania, Morocco na Qatar anatarajiwa kukabidhiwa jukumu la kuiongoza Modern Future FC katika pambano lao la kunusurika na kuepuka kushuka daraja.

Modern Future FC, yenye makao yake mjini Cairo, Misri, ilianzishwa mwaka wa 2011, na kuifanya kuwa na umri wa miaka 14. Timu hiyo kwa sasa inakabiliwa na wakati mgumu kwenye Ligi Kuu ya Misri, ikishika nafasi ya mwisho kwenye msimamo wa ligi hiyo, ikiwa na pointi 7 pekee baada ya kucheza mechi 12. Tangu kuanza kwa msimu huu, Modern Future FC imefanikiwa kushinda mechi moja pekee.

Iwapo Benchikha atathibitishwa kuwa kocha mkuu wa klabu hiyo, atakuwa na kibarua kigumu katika kujaribu kuinusuru timu hiyo na kuirudisha katika hali nzuri ya kiushindani. Endelea kuwa nasi kwa taarifa zaidi kuhusu mkataba wake na mustakabali wa Modern Future FC katika Ligi Kuu ya Misri.

Pendekezo La Mhariri:

• Pamba Jiji Inatumia Milioni 70 Kwa Mwezi Kulipa Mishahara ya Wachezaji
• Guirassy Ang’ara na Dortmund Michezo wa Mtoano UEFA
• Mechi ya Dodoma Jiji Dhidi ya Simba Feb 15 Yafutwa
• Top Assist Bora Ligi Kuu ya NBC Tanzania Bara 2024/2025