Brentford Yakataa Ofa ya Manchester United kwa Bryan Mbeumo
Brentford Yakataa Ofa ya Manchester United kwa Bryan Mbeumo | Klabu ya Brentford imeripotiwa kukataa ofa ya pauni milioni 35 kutoka Manchester United kwa mshambuliaji wao nyota Bryan Mbeumo, raia wa Cameroon. Nyota huyo mwenye umri wa miaka 25, ambaye thamani yake inakadiriwa kufikia Euro milioni 40, anatajwa kuwa tayari kuondoka klabuni hapo katika dirisha hili la usajili la Januari.
Brentford Yakataa Ofa ya Manchester United kwa Bryan Mbeumo
Kwa mujibu wa jarida la Daily Stars, Manchester United wameungana na Arsenal na Newcastle United katika mbio za kumsajili mshambuliaji huyo. Bryan Mbeumo, aliyewahi kuchezea Troyes ya Ufaransa, amekuwa kwenye kiwango cha juu msimu huu, akifunga mabao 13 katika mechi 20 za Ligi Kuu ya England (EPL).
Brentford Yakataa Ofa ya Manchester United kwa Bryan Mbeumo
Mbeumo amekuwa mchezaji muhimu kwa Brentford, akiongoza safu ya ushambuliaji kwa mabao na uwezo wake wa kuunda nafasi za kufunga. Uwezo wake wa kucheza kama mshambuliaji wa kati au winga umemfanya kuwa mchezaji anayevutia vilabu vikubwa barani Ulaya.
Brentford wanasisitiza kuwa hawatamuuza Mbeumo kwa bei ya chini ya Euro milioni 40, hasa kutokana na mchango wake mkubwa katika mafanikio ya klabu hiyo msimu huu. Ingawa Manchester United wameonyesha nia kubwa, ushindani kutoka kwa Arsenal na Newcastle unaweza kuibua vita ya kibiashara ambayo inaweza kuifanya bei yake kupanda zaidi.
Pendekezo La Mhariri:
