Simba Kuwakaribisha CS Sfaxien 15 Desemba 2024, CAF Confederation Cup
Simba Kuwakaribisha CS Sfaxien 15 Desemba 2024, CAF Confederation Cup | Timu ya Simba SC imerejea nchini Tanzania baada ya safari yao ya Algeria, huku wapinzani wao, CS Sfaxien ya Tunisia, nao wakiwa wamewasili nchini tayari kwa mchezo wa tatu wa hatua ya makundi ya CAF Confederation Cup.
Mechi hiyo inayosubiriwa kwa hamu kubwa itapigwa tarehe 15 Desemba 2024 kwenye dimba la Benjamin Mkapa, jijini Dar es Salaam, kuanzia majira ya saa 10:00 jioni.
Mchezo huu ni muhimu kwa timu zote mbili kwani utatoa mwelekeo wa nafasi yao katika kundi hilo. Simba SC, ambao watacheza wakiwa nyumbani, wanatarajiwa kutumia faida ya uwanja wao wa nyumbani na sapoti ya mashabiki wao katika kujiimarisha kwenye msimamo wa kundi. Kwa upande mwingine, CS Sfaxien wanatarajia kuonyesha uwezo wao wa hali ya juu kwa kuwa ni moja ya timu zenye historia kubwa katika mashindano ya Afrika.
Simba Kuwakaribisha CS Sfaxien 15 Desemba 2024, CAF Confederation Cup
Simba Kuwakaribisha CS Sfaxien 15 Desemba 2024, CAF Confederation Cup
Simba SC imekuwa na historia ya kufanya vizuri inapocheza nyumbani kwenye mashindano ya kimataifa. Mashabiki wa Simba wanahamasishwa kujitokeza kwa wingi kuipa timu yao nguvu na motisha ya kupata ushindi. Mechi hii ni nafasi ya kuimarisha nafasi yao katika kundi kwa kupata pointi muhimu dhidi ya wapinzani wenye uzoefu mkubwa wa soka barani Afrika.
Maandalizi ya Mechi
Kwa mujibu wa ratiba, maandalizi ya timu zote mbili yako katika hatua za mwisho, huku kila upande ukihakikisha unajipanga kwa mbinu za kiufundi na kimkakati ili kupata ushindi. Makocha wa timu zote wameahidi mechi yenye ushindani wa hali ya juu na burudani kwa mashabiki wa soka.
