Waamuzi wa Tanzania Kuchezesha CAFCC
Waamuzi wa Tanzania Kuchezesha CAFCC kati ya RS Berkane na Stellenbosch FC | SHIRIKISHO la Soka Afrika (CAF) limetangaza kuwa waamuzi wa Tanzania Ahmed Arajiga, Mohamed Mkono, Kassim Mpanga na Nasir Salum watakuwa waamuzi wa mchezo wa CAFCC wa hatua ya makundi kati ya RS Berkane ya Morocco dhidi ya Stellenbosch FC ya Afrika Kusini. Mechi hiyo imeratibiwa kuchezwa katika Uwanja wa Berkane nchini Morocco tarehe 19 Januari 2025.
Huu ni uteuzi muhimu kwa waamuzi hawa wa Tanzania kwani watapata nafasi ya kuonyesha ujuzi wao katika mashindano ya kimataifa. Mechi hii ni sehemu ya makundi ya Kombe la Shirikisho la Soka Afrika (CAF Confederation Cup) ambapo timu hizo zitamenyana katika mpambano wa kujua hatima ya timu hizo kwenye michuano ya CAFCC msimu huu.
Waamuzi wa Tanzania Kuchezesha CAFCC
Kwa upande mwingine, RS Berkane wanatarajiwa kuwa na faida ya nyumbani huku Stellenbosch FC wakihitaji kushinda ili kuboresha nafasi yao kwenye kundi lao. Uteuzi wa waamuzi hao wa Tanzania ni ishara ya kukua kwa heshima na imani kwa waamuzi wa Afrika Mashariki katika mashindano ya kimataifa.
Pendekezo La Mhariri:
